- Museu de la Gaita de Xixón (Asturies, España).
- 10/04/2024, 11:30.
- Homenaxe a «Luis El Gaiteru de Les Les Maces».
José Luis Fernández González, «Luis el Gaiteru Les Maces», foi ñacer en Figareo (Mieres) nel añu 1945, pero crióse na casa familiar de Lloriana, parroquia rural d’Uviéu que llinda con Les Regueres. Luis foi discípulu d’Antonio Menéndez «El Pinche» y ye tresmisor y continuador de la llamada escuela central de gaita asturiana, faciendo que llegara hasta nós.
Luis tamién tocó de pareya principalmente con «Milio’l Torneru« y tamién con otros tamboriteros como «Manolo Churrina», «Julio’l del Regueru», «Constante’l de Carrexa» y otru que, entós un guaḥe, diba convertise nel so escolín tamién como gaiteru; referímonos a Pedro Pangua, que lu acompaña nesti actu ya interpreta varies pieces del so repertoriu xunto col fíu de Luis al tambor.
Tocó pa grupos folclóricos como Sabugo Tente Firme, la Sección Femenina de Mieres, el grupu de baille de Santa Cruz de Mieres y ún que diba convertise na so segunda familia: el grupu Xuno – San Claudio. El Conceyu de la Gaita quier rendir un sinceru homenaxe a »Luis el Gaiteru de Les Maces», pola so contribución al caltenimientu de la tradición de la gaita asturiana, siendo una ponte ente delles xeneraciones de músicos.