Un añu más, el Conceyu de la Gaita presenta la so programación pal Día Internacional de la Gaita.
El Conceyu de la Gaita quier agradecer al Conceyu de Noreña la collaboración cola nuestra entidá permitiendo l’usu d’espacios municipales, nesti casu, el Salón d’Actos de la Casa Municipal de Cultura, p’acoyer el próximu 22 de marzu los actos del Día Internacional de la Gaita 2026, qu’algama yá la so tercer edición n’Asturies sumándose a una iniciativa de calter européu entamada pola International Bagpipe Society dende va dellos años.
UBICACIÓN Y FECHA/HORA:
- Salón d’Actos de la Casa de Cultura de Noreña.
- Domingu 22 de marzu de 2026, 10:30h
PROGRAMA:
- “La gaita asturiana en Bélxica”, conferencia a cargu d’Esteban Méndez.
- Belén Arboleya: Vivencies d’una gaitera asturiana.
- Homenaxe a Maximino García Costillas, gaiteru de La Campa (Llangréu).
Darréu d’ello tendrá llugar la tradicional espicha d’hermandá nel Llagar Juanín (Tiñana), pala que, como ye vezu, podéis apuntavos nel enllaz que vien darréu:
¡Vos esperamos!