CHUS SOLÍS – Gaiteru y luthier de gaites asturianes.
Chus Solís nació en 1973, natural de Noreña, ye vecín de Tiñana (Siero). La so formación musical entama en 1988, na Banda de Música Municipal de Noreña, integrándose na cuerda vientos col fliscorno y más tarde na percusión.
Formase en gaita asturiana con Vicente Prado «El Pravianu» a la temprena edad de 8 años, este instrumentu nel qu’afayaría la so pasión non yá como intérprete, sinón como constructor d’estos. Asina fundó en 1999 la empresa ETIMTA S.L (Escuela y Taller de Instrumentos Musicales Tradicionales Asturianos), que sentó la so see n’Uviéu, treslladándose en 2001 a La Felguera y en 2021 a Tiñana.
Precisamente, na so etapa desenvuelta como docente nel Conservatorio Valle del Nalón, ente 2000 y 2007, d’aquella etapa destaca la oportunidá que surdió de los cursos qu’entamaba l’Aula de Música Antigua na que pudo arriquecese de la esperiencia y saber de otru constructores. Tamién cabe destacar la so vinculación dende 1995 cola Asociación folclóricu-musical «Villa y Condáu de Noreña» como docente y coordinador de la mesma.
Na actualidá ye unu de el constructores de gaites más reconocíos d’Asturies, creando instrumentos pa tou tipu de músicos, dende aprendices hasta importantes solistes. Destaca la minuciosa factura de los sos trabayos, posesores d’un sellu personal inequívocu, según los sos refechos llabores de restauración de instrumentos antiguos. Na so faceta creativa tamién destaca la composición de delles temes, como l’himnu del equipu de fútbol de Valdesoto.
Dende la so fundación en xunu de 2023, ye vocal del Conceyu de la Gaita, un ente asociativu encargáu de dinamizar el campu de la gaita asturiana d’una forma tresversal creando comunidá, impulsando actividaes y proyectos y ufiertando respuestes a una serie de necesidaes que tienen les persones amigues del preséu. Interesando nel estudiu y desenvolvimientu de la gaita, Solís participó tamién en calidá instrumentista y ponente en numberoses ponencies, actos y festivales.