- Muséu de la Gaita de Xixón (Asturies, España).
- 10/03/2024, 13:00.
- Conciertu del pianista Xaime Arias y el gaiteru Carlos Casado: presentación del discu-llibru «10 Canciones Asturianes pa Gaita y Pianu» (Editorial TRABE, 2024).
10 CANCIONES ASTURIANES PA GAITA Y PIANU, del pianista Xaime Arias, sigue la sienda de los grandes pianistes y compositores asturianos de primeros del sieglu XX sían Baldomero Fernández, Manuel del Fresno o Eduardo Martínez Torner: musicalizar con arreglos pa pianu (y gaita nesti casu) canciones tradicionales asturianes.
La collaboración ente’l pianista y compositor Xaime Arias y cantadores del altor de Liliana Castañón, Anabel Santiago, Rosario González, Sandra Álvarez o los hermanos Valle Roso, Marisa y Fernando, ente más otros y la participación del conxuntu Axuntábense dientro del Conservatoriu Profesional de Música Anselmo González de Valle, d’Uviéu, naz esti llibru que contién 10 canciones, siete d’elles de les llamaes tonada y tres del repertoriu tradicional, por exemplu los afamaos «A la mar vanse los ríos», «Baxaron cuatro ayeranos», «La mina y el mar» o «Si quieres que te cortexe».
Nel prólogu, l’estudiosu de l’asturianada y hermanu del autor, Ismael Arias, comenta: «Los gaiteros siempre fueron los acompañantes naturales de la canción asturiana y, na midida de les sos posibilidaes, esti trabayu quier valir d’averamientu de los alumnos de gaita a esti repertoriu nel qu’esti instrumentu sigue teniendo un papel protagónicu».
La intención de Xaime Arias ye siguir afondando nesta xera y, nel futuru, publicar nueves entregues d’ella. Xaime Arias (Mieres del Camín, 1966) ye profesor nel Conservatoriu Superior de Música «Eduardo Martínez Torner» d’Uviéu. Tien una trayectoria perllarga como intérprete, siendo ún de los pianistes más renomaos del país, venceyáu al mundu de la canción asturiana como compositor, acompañante al pianu de bien de cantadores, pianista oficial del Concursu «Cuenca del Caudal» o xuráu en dellos certámenes; ye tamién integrante de formaciones jazzístiques como Xaime Arias Trío, Quatro Jazz Quartet o Slum Suit.