Préstanos dar anuncia de les actividaes que’l Conceyu de la Gaita entamará nel Muséu del Pueblu d’Asturies, con motivu del Día Internacional de la Gaita, el próximu domingu 10 de marzu de 2024 de magar les 10 hores.
El Día Internacional de la Gaita (International Bagpipe Day) ye una iniciativa que dende va dellos años propón The Bagpipe Society y que va garrando puxu a nivel internacional, polo que dende Asturies paecíanos una cosa guapa sumanos a esta cellebración.
Axuntámosvos más abaxo el cartelu cola programación.
La xornada celebraráse nel Aula Didáutica del Muséu del Pueblu d’Asturies, en Xixón, cola siguiente programación (actividaes abiertes a tol públicu):
- 10:00h: Saludu de bienllegada a cargu de Flavio R. Benito, presidente del Conceyu de la Gaita.
- 10:30h: Conferencia “Estudio acústico de la influencia de la geometría interior de las copas en la armonía del roncón“, a cargu de Giovanna Calvín García, Doctora Inxeniera Industrial y gaitera.
- DESCANSU
- 12:00h: Homenaxe a D. Luis Fernández González “El Gaiteru de Les Maces”.
- 13:00h: Conciertu-Presentación del llibru “10 canciones asturianes pa gaita y pianu”, de Xaime González Arias. Participa xunta l’autor el gaiteru Carlos Casado.
- Pieslle de la xornada
A les 15h tendrá llugar una espicha de socixs y simpatizantes nel Llagar el Trole (ubicación más abaxo) pa la que sedrá requisitu apuntase al través del siguiente formulariu Google Forms (l’últimu día sedrá’l vienres 1 de marzu) y abonar el menú por transferencia bancaria na cuenta de l’asociación Conceyu de la Gaita (Caxa Rural d’Asturies ES80 3059 0020 1336 4351 4122).
Apúntate equí:
Preciu:
- Preciu socixs: 30€.
- Guajes de 5 a 9 años: 15€.
- Preciu non socixs: 35€.
El Llagar El Trole ta situáu equí:
Dende la Xunta Directiva tamos mui ilusionaxs de poder entamar l’andadura de l’asociación con esa riestra d’actividaes, ¡esperamos vevos a toxs el próximu día 10 de marzu!
Saludos candiales,
Xunta Direutiva del Conceyu de la Gaita.
Entraes rellacionaes
Día Internacional de la Gaita 2024 – Conciertu
Muséu de la Gaita de Xixón (Asturies, España). 10/03/2024, 13:00. Conciertu del pianista Xaime Arias y el gaiteru Carlos Casado: presentación del discu-llibru «10 Canciones Asturianes pa Gaita y Pianu» (Editorial TRABE, 2024). 10 CANCIONES ASTURIANES PA GAITA Y PIANU,…
Día Internacional de la Gaita 2024 – Homenaxe
Museu de la Gaita de Xixón (Asturies, España). 10/04/2024, 11:30. Homenaxe a «Luis El Gaiteru de Les Les Maces». José Luis Fernández González, «Luis el Gaiteru Les Maces», foi ñacer en Figareo (Mieres) nel añu 1945, pero crióse na casa…
Día Internacional de la Gaita 2024 – Presentación y Conferencia
Muséu de la Gaita de Xión (Asturies, España). 10/03/2024, 10:00. Presentación del actu y conferencia. El Presidente del Conceyu de la Gaita (Asturies), D. Flavio Rodríguez Benito, presenta la xornada de cellebración del Día Internacional de la Gaita n’Asturies. A…