- Domingu 22 de setiembre de 2024
- 10:30 entamu – 18:30 fin
- Campa Torres – San Jorge de Mazaneda – Cabu Peñes
- De baldre
- info@conceyudelagaita.com
- Por: Asociación Conceyu de la Gaita y Banda Gaites «El Gumial»
- Coordina: Tomás Esolá Muñiz, Secretariu de la Asociación
¿Qué queremos facer?
Pasalo bien en comunidá al rodiu la gaita, y a la par deprender sobre la hestoria y el contestu xeneral del nuesu instrumentu musical al traviés de los sieglos y del territoriu. Pensamos que pa querelu y valoralu na so xusta midía ye necesario conocelu más y meyor. Amás, tamos convencíos de que esi conocimientu tien que tar contestualizau pa que garré sintiu plenu.
¿Qué vamos ver y deprender?
Recibiravos Tomás ellí na Campa Torres, nel APARCAMIENTU a les 10:30 (¡puntuales 
!), y aprovechará pa esplicavos un pocu l’entornu xeográficu, xeolóxicu y natural.
A continuación diremos pala esposición, onde el so comisariu, Manuel Paz, va contanos en detalle qué instrumentos musicales apaecen nel arte y otres espresiones culturales d’Asturies. Nesta esposición recréense varios dellos a partir de los que apaecen en varies escultures de va pa 1.000 años d’antigüedá y más.
Dempués, aprovechando que tamos ellí vamos visitar el Parque Arqueolóxicu-Natural de la Campa Torres y el faru del Cabu Torres, pa conocer dalgo de los oríxenes de Xixón n’época prerromana y romana. Tenemos guía contratáu.
Hacia les 14:00 vamos xintar dalgo per ellí cerquina, y a continuación vamos averamos a conocer la ilesia de San Jorge de Mazaneda (Gozón), onde se descubrió fae pocu, n’unu de los canecinos, la representación de gaiteru-gaita considerada más antigua d’Asturies y tola Península Ibérica. Les esplicaciones dirán a cargu de Daniel García de la Cuesta, investigador y recién descubridor.
Pa finar, vamos dir hasta el Cabu Peñes (10 min en coche), a esfrutar de la panorámica, tomar daqué nel chigre que hay ellí y, si da tiempu, visitar el Centru d’Interpretacion del Paisaxe Protexíu y del Mediu Marín del Cabu Peñes.
¿A quién ta destinao?
A quien quiera apuntase (corréu 
), socios y miembros preferentemente, pero ABIERTO totalmente al públicu en xeneral.
Eso sí: les places son llimitaes por cuestiones d’aforu, sicasí ¡apuntaivos lo antes posible!
Esta ye una actividá DE BALDRE: pedímovos que la xinta y los desplazamientos seyan por cuenta de caún/caúna . De momentu non contamos con medios pa más, asina que !orgazaivos en grupos pa enllenar coches!
Munches gracies
¡Vémonos!