Entamu

1. Novedaes
2. La nuesa identidá
3. La nuesa misión
4. Oxetivos y actividaes
5. La nuesa cadarma
6. Compromisu y valores
7. Xúnite a nós
8. Faite sociu

Novedaes

La nuesa identidá

El Conceyu de la Gaita ye una asociación cultural ensin ánimu d’arriendu fundada n’Asturies, cola misión de dinamizar y caltener vivu’l mundu de la gaita asturiana dende una perspectiva tresversal. Ñaz como un puntu d’alcuentru pa profesionales, persones aficionaes, investigadores y fabricantes del instrumentu, xuníes pola mesma pasión: la gaita asturiana y el so patrimoniu cultural.

La nuesa misión

Promovemos el conocimientu, la práctica y l’espardimientu de la gaita asturiana y otros instrumentos tradicionales del país. Apostamos pola so integración en toles espresiones artístiques: lliteratura, artes escéniques, danza y artes plástiques. Amás, esforzámonos en sofitar la investigación, la enseñanza y el desendolque artesanal del instrumentu.

Oxetivos y actividaes

Los nuesos oxetivos céntrense na dinamización cultural y formativa alredor de la gaita asturiana. Entamamos y plantegamos actividaes como:

  • Conferencies, talleres y esposiciones sobre música y patrimoniu cultural.
  • Producción de publicaciones como llibros, CDs y documentales.
  • Eventos y festivales, destacando conciertos y homenaxes a figures relevantes de la nuesa tradición.
  • Creación d’estayes de collaboración y trabayu n’ámbitos como la etnografía, didáctica y mecánica del instrumentu.
  • L’Anuariu de la Gaita Asturiana, un compendiu añal d’eventos, investigaciones y artículos d’interés.

Delles d’estes iniciatives son proyeutos a desenvolver, na midida de les nueses posibilidaes, col sofitu y collaboración de les nuestres socies y socios.

La nuesa cadarma

L’asociación ta xestionada por una Xunta Direutiva que guía les nueses aiciones acordies colos ESTATUTOS aprobaos. Contamos con estayes de trabayu especializaes n’árees como investigación musicolóxica, docencia, lutería, repertoriu y espardimientu cultural.

ESTATUTOS Conceyu de la GaitaDescarga

Compromisu y valores

Comprometémonos a:

  1. Respetar y espublizar el patrimoniu cultural asturianu.
  2. Promover la inclusión y la participación activa nel ámbitu de l’asociación y les sos actividaes.
  3. Sofitar el desenvolvimientu de la música tradicional dende una perspectiva contemporánea.
  4. Fomentar la collaboración coles Comunidaes Asturianes nel Esterior, dientro y fuera d’España.

Xúnite a nós

Si compartes la nuesa pasión y quies contribuir a caltener y esparder la cultura de la gaita asturiana, ¡invitámoste a xunite a nós! Participa nes nueses actividaes, propón proyectos nuevos o collabora como voluntaria/u. Xuntos podemos caltener viva esta rica tradición cultural.

Faite sociu

Pa facete sociu sólo tienes que facer lo siguiente:

Opción 1

  1. Unvíanos un corréu lletrónicu a info@conceyudelagaita.com diciéndonos que quies facete sociu, y déxanos los tos datos nel mesmu:
    • Nome y apellíos.
    • DNI/NIE/Pasaporte.
    • Nacionalidá.
    • Númberu de teléfonu.
    • Corréu lletrónicu.
  2. Ingresa la cuota añal de 20€ na nuesa cuenta de la Caxa Rural d’Asturies: ES80 3059 0020 1336 4351 4122.
  3. Ingresa la cuota añal enantes del 31 d’avientu de cada añu na mesma cuenta bancaria y mándanos el xustificante al mesmu corréu lletrónicu.
  4. Si lo prefieres déxanos un IBAN y pasámoste nosotros toles cuotes añales pol bancu. Esta ye la opción que preferimos, porque ye segura y afórranos esfuercios de xestión innecesarios a toos.

Opción 2

  1. Rellena el FORMULARIU de baxu (o pincha nesti ENLLAZ pa rellenalu aparte nuna páxina nueva)
  2. Lo mesmo que se diz enriba pal pagu de la cuota añal.
Síguenos